Едвин Ван дер Сар: Не размислувам за пензионирање:

Голманот на Манчестер Јунајтед, Едвин ван дер Сар вели дека воопшто не се грижи за тоа кога треба да стави крај на кариерата...

Ван дер Сар во октомври ќе наполни 40 години но тој и понатаму игра во топ форма во дресот на Јунајтед, откако се пресели на Олд Трафорд пред петгодини.

Со секоја измината сезона се сугерира дека Ван дер Сар ќе стави крај на својата кариера но Холанѓанецот во моментов е среќен што може да игра на високо ниво.

“Не се грижам за тоа кога ќе пристигне денот за моето пензионирање.” – рече Ван дер Варт. “Сега ги надминувам сопствените очекувања, па затоа тоа воопшто не ми пречи.”

“Кога бев помлад можеби размислував дека ќе завршам со играњето фудбал кога ќе ја поминам границата од 35 години. Но сосема е нормално така да мислите кога сте помлад.”

“Очигледно тоа е добро време за крај на кариерата но јас тогаш пристигнав во Јунајтед, малку доцна во мојата кариер,а и можеби затоа сеуште уживам.”

“Доаѓањето на Олд Трафорд најверојатно ми ја продолжи кариерата.”

Ван дер Сар исто така верува дека се додека ја има довербата од Сер Алекс Фергусон нема причина за да размислува за пензија.

“Потребно е клубот да биде среќен. Доколку тие не се среќни со квалитетот кој јас го продуцирам тогаш нема потреба да продолжам.”

“Минатата година на подготовките скршив два прса а потоа го повредив и коленото, но секогаш кога бев фит добивав шанса и тоа е добар знак за мене.”

“Тоа покажува дека тренерот сеуште има доверба во мене, моите квалитети и способности.”

“Многу е важно да знаете дека тој има доверба во вас.”

Прочитај повеќе...

Манчестер Јунајтед заинтересиран за Родвел:

Манчестер Јунајтед се интересира за тинејџерот на Евертон, Џек Родвел...

Според Sun, Сер Алекс Фергусон е подготвен да понуди 10 милиони фунти плус Михаел Карик за ангажман на Џер Родвел пред истекот на преодниот рок.

Евертон силно посакува да го задржи талентираниот Родвел во тимот, но весникот вели дека е можен договор во последен момент.

19-годишниот Родвел е фудбалер кој игра во средината на теренот, но може да игра и како централен дефанзивец, па беше нарекуван и како малиот Рио Фердинанд.

Џек Родвел во Евертон е од седум годишна возраст, тој стана најмладиот фудбалер на клубот во европските натпреварувања, настапи на 16 години.

Родвел дебитираше во Премиер лигата во март 2008 година, минатата сезона постигна гол против Јунајтед во победата од 3-1.

Прочитај повеќе...

Премиер Лига: Манчестер Јунајтед 3 - 0 Вест Хем:

Манчестер Јунајтед издвојуваше заслужена победа на Вест Хем

Црвените Ѓаволи дојдоа до сигурна победа на Олд Трафорд против Вест Хем победувајќи со убедливи 3-0.

Отпорот на Вест Хем беше скршен во 33та минута кога Вејн Руни погоди од пенал.

Рајан Гигс беше соборен во шеснаесетникот на Вест Хем, па судијата покажа на белата точка, Руни не погреши за водство на Јунајтед.

По пет минути игра во второто полувреме, асистенција од Руни до Нани кој постигнува одличен гол за водство од 2-0.

Нани во 69та минута асистира до Бербатов кој со прекрасен волеј ја смести топката во мрежата на Вест Хем за конечни 3-0.

Прочитај повеќе...

Група Ц: Јунајтед, Валенсија, Ренџерс и Бурсаспор:

Манчестер Јунајтед беше извлечен во групата Ц со Валеснија, Ренџерс и Бурсаспор...

Манчестер Јунајтед беше извлечен во групата Ц од Лига на Шампиони. Во групата се и Глазгов Ренџерс, Валенсија и Бурсаспор. Како скоро и секоја година Јунајтед и оваа има шкотски противник односно Ренџерс.

Групите од Лигата на Шампионите:

Група А

Интер
Вердер Бремен
Тотенхем
Твенте

Група Б

Лион
Бенфика
Шалке
Хапоел Тел Авив

Група Ц

Манчестер Јунајтед
Валенсија
Глазгов Ренџерс
Бурсаспор

Група Д

Барселона
Панатенаикос
ФК Копенхаген
Рубин Казан

Група Е

Баерн Минхен
Рома
Базел
Клуж

Група Ф

Челзи
Марсеј
Спартак Москва
Жилина

Група Г

Милан
Реал Мадрид
Ајакс
Оксер

Група Х

Арсенал
Шахтјор
Брага
Партизан

Прочитај повеќе...

Дејвид Гил: Заврши трансфер периодот за Јунајтед:

Дејвид Гил извршниот директор на Манчестер Јунајтед изјави дека заврши трансфер периодот за Јунајтед...

Извршниот директор на Манчестер Јунајтед Дејид Гил изјави дека Јунајтед нема да потпишува со нови играчи ова лето.

Тимот на Сер Алекс Фергусон беше засилен со Хавиер Ернандез, Крис Смајлинг, Марник Вермџи и Бебе.

"Се надевам дека ги покривме сите позиции во тимот за да тој се натпреварува на неколку фронта до крајот на сезоната." - изјави Дејив Гил после ждрепката од Лигата на Шампионите

"Никогаш не сме купувале постари ѕвезди ние секогаш сме претвориле анонимци во ѕвезди. Тоа го направивме со Вејн Руни, Кристијано Роналдо, Андерсон и Нани."

"Ние мислиме дека и Бебе ќе се вклопи во тимот и нашиот став не се менува. Но доколку Фергусон посакува некој играч ние ќе тргнеме по него."

Прочитај повеќе...

Премиер Лига: Манчестер Јунајтед 3 - 0 Њукасл:

Манчестер Јунајтед со победа ја започна новата сезона во Премиер Лигата откако со 3-0 славеше во дуелот со Њукасл

’Црвените Ѓаволи’ лесно, без поголеми проблеми успеаа да го совладаат Њукасл во последниот натпревар од првото коло во новата сезона од Премиер Лигата.

Вечерва на Олд Трафорд, Димитар Бербатав во 33та минута го отвори резултатот по одличното додавање на Пол Сколс.

На целата акција најпрво му претходеше едно невнимание на Хонас Гутиерез, кој загуби топка на својата половина.

Џон О’Шеј го проигра Сколс, кој упати топка во форот за Бербатов, дефанзивецот на Њукасл, Енрике не успеа да го стигне додавањето по што напаѓачот на Манчестер Јунајтед упати силен удар по земја во подалечниот агол од голот на Херпер.

На четири минути пред крајот на првиот дел веќе беше 2-0 откако Флечер одлично се снајде во петерецот на Њукасл и ја затресе мрежата на Харпер.

Нани и Евра одлично проиграа по левата страна по што левиот бек на Јунајтед продре во шеснаесетникот на Њукасл.

Евра потоа упати силна топка по земја во срцето на петерецот која Руни ја допре доволно за да му ја намести на Флечер кој биеше неодбранливо од само неколку метри.

Конечните 3-0 ги постави Рајн Гигс во 85та минута откако по асистенцијата на Сколс упати прецизен волеј удар.

Головите од натпреварот можете да ги проследите тука.

Прочитај повеќе...

Официјално: Манчестер Јунајтед постигна согласност за трансферот на ’Бебе’:

Манчестер Јунајтед потврди дека постигнале согласност за ангажман на напаѓач на Виториа де Гимараес, Тиаго Мануел Диас Кореиа (попознат како ’Бебе’)

За комплетирање на зделката преостанува само играчот подоцна во теков на неделава да ги помине лекарските прегледи.

’Црвените Ѓаволи’ постигнаа договор со Виториа Гимараес за висината на личните услови како и личните услови на 20 годишниот напаѓач.

Манчестер Јунајтед не ја соопшти сумата на трансферот а медиумите од Англија говорат дека тимот на Сер Алекс Фергусон ќе одвои околу 7,4 милиони фунти за ангажманот на ’Бебе’.

’Бебе’ е препорачан на Манчестер Јунајтед од поранешниот помошник-тренер во клубот и сегашен селектор на Портогалија, Карлос Квеироз.

Сер Алекс Фергусон реши да го ангажира ’Бебе’ само пет недели по пристигнувањето на напаѓачот во Виториа Гимараес, откако Манчестер Јунајтед се сложи да ја плати откупната клаузуа во неговиот договор.

“Манчестер Јунајтед е задоволен што може да соопшти дека е постигнат договор со клубот од Португалија, Виториа де Гимараес за ангажман на 20 годишниот напаѓач Тиаго Мануел Диас Кореира (попознат како ’Бебе’).” – гласеше соопштението на официјалната веб страна на Јунајтед.

“За комплелетирање на зделката недостасува само уште играчот подоцна во неделава да ги помине лекарските прегледи.”

“Личните услови на напаѓачот веќе се договорени.”

Прочитај повеќе...

Флечер: Останувам во Јунајтед до крајот на животот:

Играчот од средниот ред на Манчестер Јунајтед, Дарен Флечер вели дека сака да остане во клубот до крајот на неговата кариера

26 годишниот шкотски интернационалец, кој потекнува од младинските школи на Манчестер Јунајтед, во минатото се мачеше со обезбедувањето место во првиот тим и често се поврзуваше со заминување во потрага по првотимски статус но Флечер сега е естабилиран како важен дел од плановите на Сер Алекс Фергусон.

Зад своето име Дарен Флечер има повеќе од 250 настапи за тимот од Олд Трафорд и играчот од средниот ред се надева дека ќе може да ги следи легендите на клуботГери Невил, Рајан Гигс и Пол Сколс, кои сеуште играат на топ ниво иако се во залезот на кариерата.

“Не можам да замислам дека ќе бидам во дргу клуб.” – Флечер рече за официјаната веб страна на Јунајтед.

“Нема место што е подобро од Манчестер Јунајтед и доколку можам целата моја кариера да ја одиграм тука, ќе бидам многу среќен човек.”

“Се околу овој клуб – фановите, објектите, структурата – е фантастично и не би сакал да сум на друго место.”

“Има нешто навистина посебно во тоа својата кариера да ја поминете во еден клуб - оние како Гери, Рајан и Пол се легенди на Манчестер Јунајтед и да имате приближен успех како нив тоа ќе биде огромно остварување.”

Сегашниот договор на Флечер со ’Црвените Ѓаволи’ е во трајност до 2012.

Прочитај повеќе...

Комјунити Шилд: Челзи 1 - 3 Манчестер Јунатед:

Манчестер Јунајтед го победи Челзи со 3-1 и го освои Комјунити Шилд трофејот, Хавиер Ернандез дебитираше со погодок

Челзи и Манчестер Јунајтед одиграа интересен натпревар на Вембли кој го добија Црвените Ѓаволи со 3-1 и го освоија Комјунити Шилд трофејот. Офанзивна игра и од двете страни која допринесе за повеќе шанси пред головите на Хиларио и Ван дер Сар. Првата голема шанса на натпреварот ја имаше Сколс, доби добра топка од Валенсија, биеше со волеј но над голот на Челзи. Калу од лево излезе сам, пред него празен гол, но наместо да се обиде да ја смести топката во мрежата, се реши да проигра, и шансата пропадна. Во 17та минута Челзи се закани преку Малуда, Ван дер Сар спречи радост за Сините. Две минути подоцна нова сериозна шанса за Јунајтед, одлична асистенција од Сколс до Руни кој од десно влезе во шеснаесетникот, ја упати топката кон голот, Овен не стигна, таа заврши во гол аут. На четири минути до крајот на полувремето Манчестер Јунајтед поведува со 1-0, нов пас на Сколс до Руни кој го проигра Валенсија овој ја затресе мрежата на Хернандез. Челзи тргна поофанзивно, во 52та минута Малуда имаше шанса, биеше непрецизно. Во 67та минута Калу се најде во одлична шанса Ван дер Сар брани, потоа следуваа обиди на Есиен, па на Ешли Кол но мрежата на Јунајтед мируваше. Но не и на Челзи, во 76та минута Ернандез постигнува гол интересен гол, по асистенција од Валенсија, мексиканскиот фудбалер си ја шутна топката во глава, таа влезе во мрежата на Сините за водство од 2-0. Пет минути подоцна Калу постигнува гол за Челзи и ја враќа неизвесноста на натпреварот, 2-1. Сините притиснаа, но во 90та минута Бербатов со одличен лоб удар ги реши сите дилеми и го постави конечниот резултат од 3-1. Заслужена победа на Манчестер Јунајтед во дуелот со Челзи.

Прочитај повеќе...

Андерсон: Имав среќа:

Фудбалерот од средниот ред на Манчестер Јунајтед, Андерсон кој синоќа направи сообрќајка, вели дека имал многу среќа.

22-годишниот фудбалер синоќа со своето Ауди Р8 загуби контрола и удри во ѕид на автопат во Брага.

Сообраќајката била сериозна, но Андерсон бил извлечен без посериозни повреди.

"Имав многу среќа, бидејќи сообраќајката беше сериозна" - изјави Андерсон за Daily Mail.

"Го познавам добро патот, но колата изгуби контрола и се удрив во ѕидот. Паметам дојдоа луѓе и ни помогнаа, многу сум им благодарен".

"Сакам само да им кажам на фановите на Јунајтед дека сум добро и ќе продолжам со мојата рехабилитација, па ќе можам да му помогнам на тимот".

"Имав многу повици и им кажав на пријателите да не се грижат, но ова беше застрашувачко за мене" - заврши Андерсон.

Прочитај повеќе...