Флечер: Ернандез е фантастичен играч:

Дарен Флечер упати само пофалби за Чичарито...

Фудбалерот од средниот ред на Манчестер Јунајтед, Дарен Флечер има само пофалби за Хавиер Ернандез.

Новото засилување на Манчестер Јунајтед, Мексиканецот Хавиер Ернандез го постигна единствениот гол на Местаља кој значеше победа над Валенсија.

По одличните перформанси на синоќешниот дуел против Валенсија од сите страни стигнуваат пофалби за Ернандез, еден од импресионираните е и Дарен Флечер.

"Хавиер постигна фантастичен погодок" - вели Дарен Флечер.

"Тој покажа дека ќе биде одличен фудбалер за Манчестер Јунајтед".

"Тој е млад и сеуште го учи нашиот начин на игра, но Ернандез е вистински талент".

Синоќешната победа на Манчестер Јунајтед беше особено важна по ремито против Ренџерс во првото коло.

"Се враќаме на добра позиција. Бевме разочарани по ремито дома со Ренџерс и знаевме дека ќе биде тешко против Валенсија".

"Но дојдовме до три бода и сега сме на врвот во групата".

"Целта секогаш е десет бода од групната фаза" - заврши Флечер.

Прочитај повеќе...

Лига на Шампиони: Валенсија 0 - 1 Манчестер Јунајтед:

Манчестер Јунајтед издвојуваше важна победа на гостувањето на Местаља...

Манчестер Јунајтед успеа да слави на Местаља, совладана е Валенсија со 1:0. Ослабениот Манчестер Јунајтед до триумфот во Шпанија стигна со голот на Хавиер Ернандез во финишот од натпреварот.

Дуелот на Местаља не ги воодушеви гледачите, двата тима создадоа малку шанси за гол, фудбалерите почесто се расправаа меѓу себе и на теренот владееше тензична атмосфера.

Сепак во 85-тата минута, Ернандез по асистенција на Андресон ја затресе мрежата на Сезар Санчез и на Манчестер Јунајтед му донесе значајни три бода во битката за пласман во следната фаза.

Линк од голот.

Прочитај повеќе...

Преглед: Валенсија - Манчестер Јунајтед:

29 - Септември, 2010 - 20:45 h
Местаља, Валенсија

Долгочекуван натпревар за двата тима. Валенсија се наоѓа во одлична форма и го пречекува Јунајтед на Местаља додека Манчестер доаѓа во Валенсија со нецелосен прв тим.

Манчестер Јунајтед на овој натпревар ќе биде без Пол Сколс, Рајан Гигс и Вејн Руни. Пол Сколс ќе одмара поради повреда додека Гигс се здоби со повреда на мечот со Болтон и ќе отсуствува неколку недели. Руни е неподготвен за дуелот поради повреда и ќе отсуствува 3 недели.

И покрај тоа што Валенсија ги загуби своите најголеми ѕвезди создаде одличен нов тим кој лесно се уигра и игра одлично. Заминувањата на Давид Силва, Давид Виља и Никола Жиѓиќ ја принудија Валенсија да биде доста активна на трансфер пазарот. Доведени беа Солдадо, Адуриз, Топал, Тино Коста, Коста и Фегули кои одлично се вклопија во тимот и Валенсија моментално се наоѓа на првото место во Ла Лига. Минатото коло Валенсија го победи тимот на Бурсаспор во гости со импресивно 0 - 4.

Тренерот на Валенсија, Унај Емери изјави дека Јунајтед е фаворит во дуелот и дека имаат голем респект за Манчестер но нема да го предадат мечот о ќе се борат за трите бода.

Манчестер Јунајтед доаѓа во Шпанија по нерешениот резултат против Болтон во ПЛ и Ренџерс во ЛШ. Тимот на Фергусон досега има победено на само едно гостување сезонава и тоа од Карлинг Куп против тимот на Сканторп додека сите други гостински натпревари завршија нерешено.

Тимски новости:
Валенсија:
Крилото на Валенсија Хоакин најверојатно нема да може да настапи поради повреда додека исто така нема да настапат Висенте и Евер Банега. Чори Домингез е неизвесен. Се очекува Мата да настапи и покрај ситната повреда.

Јунајтед треба да пази на напаѓачите на Валенсија кои се во одлична форма. Адуриз и Солдадо.

Можен состав: Цезар, Мигел, Коста, Наваро, Алба, Топал, Албелда, Тино Коста, Пабло, Мата и Адуриз.

Манчестер Јунајтед:
Конечно Манчестер Јунајтед ќе може да смета на Фердинанд кои се опорави од повредата пред две недели но беше спречен да игра поради грипот. Сколс, Гигс и Руни сигурно нема да играат додека се очекува новото засилување Бебе да добие шанса во тимот.

Се шпекулира дека Керик по своето враќање од повредата ќе игра прв тим заедно со Андерсон и Флечер.

Можен состав: ВДС, Браун, Фердинанд, Видиќ, Евра, Флечер, Керик, Андерсон, Нани, Парк и Бербатов.

Моја прогноза:
Овој натпревар ме потсетува на мечот со Волфзбург минатата година кога бевме без одбрана и со многу слаб тим но изненадија и победивме со хет - трик на Овен. Ова е многу важен натпревар за нас и многу тешко гостување. Меч кој мора да се победи.

Конечен резултат: Валенсија 1 - 2 Манчестер Јунајтед

Прочитај повеќе...

Јунајтед без Гигс:

Манчестер Јунајтед ќе биде без Рајан Гигс неколку недели кој се повреди на мечот со Болтон...

Менаџерот на Манчестер Јунајтед, Алекс Фергусон по мечот со Болтон во кој неговиот тим освои само бод изјави дека во следниве неколку недели нема да може да смета на повредениот ветеран, Рајан Гигс.

"Рајан има сериозна повреда, станува збор за проблем со бутниот мускул и се плашам дека тој ќе мора да паузира неколку недели", рече Фергусон.

Менаџерот на Јунајтед на средбата со Болтон беше принуден од игра да извади и Вејн Руни, кој исто така се повреди, но сепак прогнозите за него се пооптимистички и тој најверојатно ќе може да настапи на мечот од Лигата на шампионите против Валенсија.

Прочитај повеќе...

Премиер Лига: Болтон 2 - 2 Манчестер Јунајтед:

Манчестер Јунајтед не успеа да слави на гостувањето кај Болтон, натпреварот на Рибок стадионот заврши без победник, 2-2...

Уште едно реми за Манчестер Јунајтед, Црвените Ѓаволи одиграа нерешено на гостувањето кај Болтон.

Во овој натпревар домаќините на два пати водеа, Јунајтед го израмнуваше резултатот.

Болтон го отвори натпреварот по само шест минути игра кога Зет Најт реализираше за водство од 1-0.

Во 23та минута, Нани тргна од својата половина и во одлична соло акција успеа да израмни на 1-1.

Мартин Петров во 67та минута го враќа водството на Болтон, топката го закачи Флечер и заврши во мрежата на Ван дер Сар.

Само три минути откако влезе во игра, Мајкл Овен во 74та минута постигнува гол со глава за израмнување на резултатот на 2-2.

Интересно коло во Премиер лигата во кое покрај Манчестер Јунајтед не успеаа да победат ниту Челзи, Арсенал и Ливерпул.

Прочитај повеќе...

Вулверхемптон на Олд Трафорд:

Тимот на Вулверхемптон ќе гостува на Олд Трафорд во рамките на 4-то коло од Карлинг Куп...

Историјата се повторува. Вулвс повторно на Олд Трафорд. Ждрепката сакаше повторно да се сретнат овие два тима.

Датумот на одигрување на натпреварот сеуште не е одреден.

Овој натпревар можеме да го добиеме со истиот тим од мечот со Сканторп ова ќе биде мислам лесна задача за нашите младинци.

Newcastle v Arsenal
Birmingham v Brentford
Wigan v Swansea
Aston Villa v Burnley
Leicester v West Brom
United v Wolves
West Ham v Stoke City
Ipswich v Northampton

Прочитај повеќе...

Преглед: Болтон - Манчестер Јунајтед:

26 Септември, 2010 - 13.00 h
Рибок Стадион, Болтон

Манчестер Јунајтед е непоразен оваа сезона во Премиер Лига . Во минатото коло Црвените ѓаволи го победија Ливерпул со трите гола на Бербатов за потоа да го победат и Сканторп во Карлинг Куп.

Сите страни ќе бидат насочени кон Димитар Бербатов и се надеваме дека ќе продолжи со извонредната форма. Во нападот би требало да биде придружуван од Вејн Руни.

Тимот на Болтон оваа година има само еден пораз но има само и една победа.

Историјата е на страна на Јуанјтед кој во последните два меча на Рибок стадионот победи два пати.

Тимски новости:
Болтон:

Анди и Џои О'Брајан нема да бидат во можност да настапат поради повреди исто како и Дејвис.

Гери Кејхил ја отслужува казната од 3 натпревари неиграње и нема да биде во можност да настапи.

Можен состав: Јаскелаинен, Стеинсон, Најт, Рикетс, Робинсон, Ли, Муамба, Холден, Петров, Елмандер и Дејвис.

Манчестер Јунајтед:
Сер Алекс Фергусон најверојатно ќе настапи со истиот тим од мечот со Ливерпул но ќе има само една замена. Фердинанд на местото на Еванс. Фердинанд одигра 90 минути против Сканторп и би требало да го заземе местото на Еванс во одбраната.

Можен состав: ВДС, Оши, Фердинанд, Видиќ, Евра, Нани, Флечер, Сколс, Гигс, Руни и Бербатов.

Моја прогоноза:
Очекувам победа на Јунајтед со која би можеле да му се приближиме на Челзи со можен кикс на тешкото гостување кај Сити.

Конечен резултат: Болтон 0 - 2 Манчестер Јунајтед

Прочитај повеќе...

Фергусон изненаден од Харгривс:

Овен се врати на тренинг и тоа му донесува слатки главоболки на Сер Алекс...

Фергусон изјави за MUTV ексклузивно ова утро :"Овен Харгривс се врати на тренинг, тој вчера тренираше со првиот тим. Изгледаше многу добро. Јас бев изненаден од начинот на кој изгледаше."

"Ова е бонус за нас. Се врати на време после долго отсуство и ќе треба да го пратиме во следните неколку недели. Но добро е што се врати."

"Поради тоа што беше толку долго во аут ќе мораме да видиме во каква состојба е. Тоа е првото нешто што ми паѓа на памет. После вчерашниот тренинг и виденото од Харгривс сигурен сум дека доколку продолжи вака ќе ми создава главоболки во врска со тимот."

Мајкл Керик исто така се вратил на тренинг после повредата што ја имаше.

Прочитај повеќе...

Ферги: Дуелите со Челзи од големо значење:

Сер Алекс Фергусон верува дека дуелите на Манчестер Јунајтед со Челзи ќе бидат одлучувачки во трката за титулата од Премиер Лигата...

Црвените Ѓаволи минатата сезона завршија на второто место со само еден бод заостанување откако загубија во два наврати од избраниците на Карло Анчелоти.

И покрај тоа што Арсенал секоја сезона започнува со шампионски планови а оваа сезона и Манчестер Сити има големи амбиции, Фергусон вели дека Челзи е нивниот главен ривал.

“Премиер Лигата е многу тешко првенство.” – рече Фергусон за CNN International. “Јас секогаш гледам кон тимот кој бил шампион минатата сезона, потребно е да имате цел на која ќе работите.”

“Работа на останатите, вклучувајќи не и нас, е да го соборат Челзи од тронот. Тие имаа добар старт на сезоната и верувам дека тие ќе бидат главната опасност за нас.”

“Натпреварите кои ќе бидат клучни најверојатно ќе бидат меѓусебните дуели. Минатата сезона ги загубивме двата натпревари и токму тоа одлучи за шампионскиот трофеј.”

Ферги, кој вчера беше во Шпанија за да го следи следниот противник на Манчестер Јунајтед во Лигата на Шампионите – Валенсија – го посочи Реал Мадрид како голема закана за сите клубови во најелитното Европско натпреварување.

Тој додаде: “За очекување е да видиме големо подобрување од Реал Мадрид под водство на Жозе Мурињо.”

“Барселона сеуште е најатрактивниот тим и тие ќе бидат главната опасност со Интер тимот кој ќе биде најтежок за победување.”

“Сите овие тимови имаат различни квалитети. Лигата на Шампионите во моментов е најфантастичното натпреварување.”

Прочитај повеќе...

Карлинг Куп: Сканторп 2 - 5 Манчестер Јунајтед:

Манчестер Јунајтед издвојуваше победа во Карлинг Куп од 2 - 5 над тимот на Сканторп ...

Манчестер Јунајтед славеше убедлива победа на гостувањето кај Скантроп со 5-2.

Домаќините поведоа со голот на Рајт, но потоа на сцена стапи Јунајтед, Гибсон, Смајлинг, Парк и двапати Овен реализираа за петарда во мрежата на Скантроп, почесниот гол за послабиот тим го постигна Вулфорд.

Одлична игра прикажана од цел тим. Смолинг добро изигра и покажува дека ќе биде од големо значење за нашиот тим исто и Андо кој изигра фантастичен меч.

Головите од натпреварот тука.

Прочитај повеќе...

Јунајтед заинтересиран за "вондеркидот" Андриго:

Според пишувањата на Daily Mirror Сер Алекс Фергусон му понудил проба на Олд Трафорд на 15 годишниот талент на Интернационал, Андриго...

Се шпекулира дека големиот талент од Бразил го привлекол вниманието на ’Црвените Ѓаволи’ за време на еден турнир на млади фудбалери во Манчестер.

Покрај Манчестер Јунајтед и скаути на Барселона ги следеле игрите на 15 годишниот Андриго, кој успеал да ги импресионира и Каталонците.

Daily Mirror објави дека актуелниот шампион на Шпанија веќе го поканил младиот напаѓач на проба на Камп Ноу а истото го сториле и Манчестер Јунајтед кој му понудиле престој на Андриго на Олд Трафорд.

Сер Алекс Фергусон се надева дека примерот од браќата Да Силва ќе му помогнат во обидите да го убеди напаѓачот да ја одбере понудата од Манчестер Јунајтед.

За вундеркидот на Интернационал се говори дека е одличен финишер и фудбалер кој добри ги користи двете нозе.

Прочитај повеќе...

Преглед: Сканторп - Манчестер Јунајтед:

22 Септември, - 2010, 20:45
Гленфорд Парк, Сканторп

Сканторп го пречекува Манчестер Јунајтед бранителот на трофејот во Карлинг Куп во последните две години. Тимот на Сканторп кој е моментално без менаџер се наоѓа на 15-то место во Чемпионшип дивизијата. Фудбалерите на Сканторп се надеваат на шанса поради можеби малдиот и неискусен состав на Јунајтед но забораваат дека Манчестер Јунајтед и со млад состав е Манчестер Јунајтед.

Манчестер Јунајтед во последниот натпревар издвојуваше голема победа против Ливерпул на Олд Трафорд со 3 - 2. Јунак на овој меч беше Бербатов кој постигна хет - трик за Манчестер.

Сканторп се наоѓа во лоша форма и без менаџер.

Сканторп:

Крилото Гери Томсон не е во можност да настапи поради повреда и ќе отсуствува два месеца. Роб Џонс најверојатно ќе настапи по прв пат после враќањето од повредата додека исто така не е исугрен настапот на Џим Мекналти.

Можен состав: марфи, Бирни, Мирфин, Нолан, Канаван, Тогвел, О' Конор, Рајт, Колинс, Дагнел и Форте.

Манчестер Јунајтед:

Се очекува Фергусон да ги одмори своите првотимци но и покрај тоа нема да остави се на младите.

На местото на Ван дер Сар најверојатно ќе се најде Кушчак, додека исто се очекува да настапат браќата Да Силва, Гибсон и новото засилување Бебе да го има своето деби. Веќе е потврдено дека Овен ќе се најде во првиот тим.

Можен состав: Кушчак, Рафаел, Браун, Смолинг, Фабио, Бебе, Гибсон, Андерсон, Обертан, Чичарито и Овен.

Моја прогноза:
Очекувам добар натпревар и едвај чекам да ги видам Да Силва, Бебе, Андо и Обертан. Конечен резултат според мене Сканторп 0 - 3 Јунајтед. Стрелци: Овен, Гибсон и Македа.

Прочитај повеќе...

Видиќ горд што ја носи капитенската лента:

Немања Видиќ е убеден дека со носењето на капитенската лента во Манчестер Јунајтед ќе стане подобар фудбалер...

Српскиот интернационалец ја носи капитенската лента во воведните кола од новата сезона откако Гери Невил сеуште се мачи со фитнесот.

Поради честите повреди Сер Алекс Фергусон реши да му ја одземе капитенската лента на искусниот дефанзивец а поради не можноста Рајан Гигс и Рио Фердинанд да настапуваат на секој натпревар, Шкотот го потврди Видиќ како капитен за оваа сезона.

Дефанзиевот е среќен да ја прифати оваа одговорност и е убеден дека ќе може да учи од претходните капитени на Олд Трафорд.

“Тоа што сум капитен ќе донесе дополнителен квалитет во мојата игра.” – рече Видиќ.

“Сеуште го правам она што го правев и претходно; го давам најдоброто со цел да му помогнам на тимот, но во исто време се обидувам да го подигнам нивото на мојата игра со цел да играм подобро.”

“Имам голема одговорност, но како што кажав и претходно, Гери, Рајан и Рио ја носеа капитенската лента во изминативе години и тие беа добри примери за играчите.”

“Кога имате такви луѓе околу вас, работите се полесни.”

Прочитај повеќе...

Премиер Лига: Манчестер Јунајтед 3 - 2 Ливерпул:

Манчестер Јунајтед го доби големото дерби против Ливерпул, одличен натпревар во кој главната улога ја имаше Димитар Бербатов!

Манчестер Јунајтед со 3-2 го доби големиот дерби натпревар против тимот на Ливерпул, Црвените Ѓаволи беа подобриот противник и заслужено го добија овој дуел.

Димитар Бербатов е херојот на Јунајтед, бугарскиот интернационалец реализираше исклучително важен хет-трик кој му донесе голема победа на неговиот тим.

Ливерпул успеа да се врати од негатива од два разлика, но на крајот со пораз заминува од Олд Трафорд.

Манчестер Јунајтед уште од првата минута тргна офанзивно кон голот на Пепе Реина, Ливерпул тешко успеваше да воспостави рамнотежа.

Дури по 30 минути игра Црвените почнаа полека да го загрозуваат голот на Ван дер Сар.

Но на три минути пред крајот на првото полувреме, по асистенција на Рајан Гигс, Димитар Бербатов постигна гол за водство на Јунајтед од 1-0.

Домаќините продолжија да напаѓаат и во второто полувреме, во 59та минута Бербатов постигнува неверојатен погодок за нова радост на Олд Трафорд.

Само пет минути подоцна, Џони Еванс прави прекршок за пенал во сопствениот шенаесетник.

Стивен Џерард беше сигурен реализатор на најстрогата казна, Ливерпул намалува на 2-1.

Во 70та минута Ливерпул израмнува на 2-2, Џерард постигнува нов гол, овој пат од слободен удар, грешка во живиот ѕид на Манчестер Јунајтед.

Тимот на Фергусон го засили темпото со цел да дојде до ново водство, тоа им успеа во 84та минута, кога по центаршут на Ошеј, Бербатов постигнува гол со глава за негов хет-трик и победа на Манчестер Јунајтед од 3-2.

Голема победа на Црвените Ѓаволи, триумф за подигнување на моралот во пресрет на продолжението од сезоната.

Прочитај повеќе...

Преглед: Манчестер Јунајтед - Ливерпул:

Недела 18. 09 . - 2010, 14:30 h
Олд Трафорд, Манчестер

Најголемото дерби на Англија. Двата најтрофејни клуба во Англија... Овој меч долго се очекуваше и конечно пристигна времето за него.

Сер Алекс Фергусон и Рој Хоџсон кој летово го превзеде кормилото на Ливерпул за прв пат ќе се сретнат во новата сезона. За двата менаџери овој натпревар е од големо значење.

Јунајтед на последните два меча има два нерешени резултати. Одигра нерешено на гости против Евертон на Гудисон Парк и на Олд Трафорд во рамките од Лигата на Шампионите.

Ливерпул има еден нерешен резултат и една победа во последните два меча. Одигра нерешено на гостувањето кај Бирмингем и победи дома против Стеауа во Европа Лига.

И двата менаџери на последните натпревари ги одмаараа своите најдобри поединци. Фергусон ги одмараше Видиќ, Нани и Бербатов додека Хоџсон ги одмараше Шкртел, Џерард и Торес.
Тимски новости:

За Манчестер се враќа Фердинанд кој беше долго време надвор од терените и за прв пат настапи против Глазгов Ренџерс.

Антонио Валенсија сигурно го пропушта натпреварот и нема да игра до Февруари поради скршеницата на зглобот со која се здоби на мечот од ЛШ.

Одличниот Ван дер Сар, капитенот Видиќ, маестралниот Нани и фантастичниот Бербатов се враќаат за Јунајтед после пропуштениот меч со Ренџерс.

Џо Кол за Ливерпул ќе игра после суспензијата поради црвен картон. Се враќаат исто така Џерард, Шкртел и Торес.

Можни состави:
Манчестер Јунајтед: Ван дер Сар, Евра, Видиќ, Фердинанд, Рафаел, Нани, Флечер, Сколс, Гигс, Руни и Бербатов.

Ливерпул: Реина, Кончески, Шкртел, Карагер, Џонсон, Лукас, Џерард, Макси, Кол, Јовановиќ и Торес.

Моја прогноза:
Очекувам победа на Јунајтед и одлична игра. Се надевам дека со гол Руни ќе ја подигне самодовербата и Нани и Бербатов ќе продолжат да играат одлично.

Конечен резултат: 2 - 0.

Прочитај повеќе...

Сер Алекс Фергусон: Видиќ останува нашиот капитен:

Фергусон потврди дека Видиќ ќе го води Јунајтед против Ливерпул без разлика на тоа дали во стартниот тим ќе биде Фердинанд, Гигс или Сколс...

И покрај тоа што српскиот интернационалец ќе го води Јунајтед против Ливерпул Гери Невил останува како официјален клупски капитен.

Рио Фердинанд ја носеше капитенската лента на мечот со Ренџерс но Видиќ не играше и се шпекулираше дека можеби тој ќе биде капитен за Манчестер против Ливерпул.

"Ние сакаме капитен кој ќе игра постојано за нас, секоја недела" - изјави Ферги за MUTV

"Секогаш кога Видиќ ќе е фит ќе игра за нашиот тим. Не можеш да го изостави од тимот, единствено доколку сакаш да го одмориш."

"Тој ја започна сезоната како капитен и така ќе остане."

Прочитај повеќе...

Харгривс се поблиску до враќање на терените:

Фудбалерот од средниот ред на Манчестер Јунајтед, Овен Харгривс е блиску до враќање на терените, ова го потврди докторот кој го оперираше, Ричард Стедман...

Харгривс се бори со повреди веќе долго време, во моментов се опоравува од операцијата на коленото, доктор Стедман вели дека е блиску до опоравување и враќање на теренот.

"Работите изгледаат добро за Овен, се се одвива како што треба" - изјави доктор Стедман за BBC Sport.

"Тој е блиску до враќање на теренот, иако Манчестер Јунајтед е тој што ќе одлучи кога ќе го внесе во игра".

"Тој беше со нас пред неколку недели и има навистина одличен напредок, трча брзо, прави вежби, се е одлично".

"Харгривс никогаш не се предава и ние не се откажуваме од него. Беше потребно долго време за враќање, но тој беше трпелив" - заврши докторот.

Прочитај повеќе...

Фергусон: Валенсија може да се врати кон крајот на февруари:

Менаџерот на Манчестер Јунајтед, Сер Алекс Фергусон откри дека Антонио Валенсија би можел да се врати на терените кон крајот на февруари...

Крилото на ’Црвените Ѓаволи’ во вторникот заработи тешка повреда на скочниот зглоб на натпреварот против Глазгов Ренџерс во Лигата на Шампионите при еден дуел со Кирк Брадфут.

Вчера врз интернационалецот од Еквадор успешно беше извршена операција и се стравуваше дека Антонио Валенсија ќе го пропушти поголемиот дел од сезоната.

Но денеска Сер Алекс Фергусон, кој во прв момент стравуваше дека сезоната за Валенсија е завршена, откри дека играчот треба да се врати на терените кон крајот на февруари.

“Никогаш не можете да бидете 100% точни во вакви ситуации и повредата навистина е лоша, но очекуваме тој да се опорави до крајот на февруари.” – рече Фергусон.

“Тоа е подобра во споредба со она што го мислевме во вторникот.”

Ферги потоа додаде: “Операцијата беше успешна и скршеницата беше поправена, тоа беше најголемата загриженост за нас.”

“Тој е силно момче, и е многу позитивен за целата ситуација.”

“Тоа што сте позитивни ви помага во овие ситуации, па се надеваме дека тој ќе се врати кон крајот на февруари.”

Прочитај повеќе...

Валенсија успешно опериран:

Успешна операцијта на Луис Антонио Валенсија кој се здоби со тешка повреда на мечот со Ренџерс...

Еквадорецот се здоби со кршеница на левиот глужд по дуелот со одбранбеиот играч на Ренџерс, Корк Броудфут, по што беше изваден од теренот на носилки. Според портпаролот на „црвените ѓаволи“, Антонио ќе биде во аут за голем дел од сезоната.

„Операцијата помина добро. Му беше поставена пластика за стабилизација, но поради скршенцијата има серозно оштетување на сувожилието и ќе пропушти голем дел од сезоната.“

„Антонио се чуствува добро, тој е позитивен и решен е да се врати што е можно побргу.“ - вели порпаролот на Манчестер Јунајтед.

Прочитај повеќе...

Ферги стравува дека сезоната за Антонио Валенсија е завршена:

Крилото на Манчестер Јунајтед, Антонио Валенсија можно е да ја пропушти целата сезона откако вчера заработи страшна повреда која се верува дека е скршеница на скочниот зглоб

По натпреварот Сер Алекс Фергусон рече дека стравува од тоа дека сезоната за интернационалецот од Еквадор е веќе завршена и страшната повреда ја спореди со онаа на нивниот поранеш фудбалер Алан Смин против Ливерпул во 2006.

“Веднаш штом видов како фудбалерите на Ренџерс мавтаат со рацете кон клупата за резерви знаев дека е нешто лошо.” – рече Фергусон.

Играта беше прикината околу пет минути откако Валенсија имаше дуел со дефанзивецот на Ренџес, Кирк Броадфут.

Ферги за Skу Sports потоа додаде: “Тој веднаш беше пренесен во болница. Се чини дека тој го дислоцираше и го скрши зглобот. Ќе направи операција во среда.”

“Повредата е лоша, ќе биде надвор од терените долго време. Се чини дека повредата е слична како онаа на Алан Смит и поради тоа мора да размислувате дека сезоната за него е завршена.”

Шкотот потоа застана во одбрана на својата одлука за дуелот со Ренџерс да направи дури десет измени во споредба со тимот што играше против Евертон во саботата.

“Ќе бидам критикуван зошто не игравме со силен состав. Но јас мислам дека одигравме со навистија силен тим. Луѓето забораваат дека осумина од нив играа против Челзи во Комјуните Шилд. Ова е одличен состав. Немам проблем да играм со нив.”

“Требаше да победиме, но во исто време треба да им честитаме на Ренџерс бидејќи не можевме да го скршиме нивниот систем. Игравме со интензивност и посветеност. Но Ренџерс добро се бранеше во својот шеснаесетник.”

Ферги сепак призна дека погрешил што на клупата за резерви го оставил Димитар Бербатов, кој игра во добра форма на стартот од сезоната.

“Сакавме да видиме како Хавиер Ернандез ќе одигра цел натпревар. Порати тоа го изоставивме Бербатов надвор од првиот тим и неговата форма е апсолутно фантастична.”

“Тој е еден од најдобрите фудбалер оваа сезона и неговата способност да креира шанса во тешки ситуации ќе направеше разлика.”

Прочитај повеќе...

Лига на Шампиони: Манчестер Јунајтед 0 - 0 Глазгов Ренџерс:

Манчестер Јунајтед не успеа да ја разбие одбраната на шкотскиот шампион, а најголемата шанса за погодок не успеа да ја реализира Дерон Гибсон со еден удар од далечина.

Дуелот во Манчестер за жал мина во знакот на потешката повреда на домашниот фудбалер, Антонио Валенсија, кој мораше предвреме да го напушти теренот по дуелот со Кирк Бродфут. Според извештаите од Олд Трафорд, Валенсија бил веднаш пренесен во болница на детални прегледи.

Прочитај повеќе...

Гери Невил не е повеќе капитен на Јунајтед:

Сер Алекс Фергусон изјави дека Гери Невил не е повеќе капитен на Манчестер Јунајтед...

Ветеранот го наследи Рој Кин како капитен после неговото заминување од Олд Трафорд во 2005. Но во последните три сезони кариерата на дефанзивецот беше преполна со повреди кои влијаеа на неговата игра. Доколку не ираше Гери Невил капитенската лента ја носеше Рајан Гигс додека оваа сезона постојано капитенската лента ја носи Немања Видиќ.

Видиќ беше капитен и на мечот против Евертон кога и Невил беше во стратниот тим. Фергусон вели дека кој игра редовно треба да ја носи капитенската лента.

"Барам некого за капитен кој ќе игра редовно секоја недела. Во прошлите 2-3 сезони на секој натпревар имавме различен капитен."

"Немавме константен капитен во Гери Невил а најголема причина за тоа беа повредите. Ако тој можеше да игра псотојано сигурен сум дека ќе останеше капитен."

"Со сета почит за Гери Невил, тој знае и јас знам дека не може да игра секоја недела па затоа барам капитен кој ќе игра постојано." - заврши Фергусон

Прочитај повеќе...

Преглед: Манчестер Јунајтед - Глазгов Ренџерс:

14.09 - вторник - 2010 - 20.45 h
Олд Трафорд, Манчестер

Манчестер Јунајтед ја започнуваа новата сезона во Лигата на Шампионите против нивниот шкотски ривал Глазгов Ренџерс. Јунајтед го пречекува Ренџерс на Олд Трафорд. Последниот пат кога овие два клуба се сретнаа во Лигата на Шампионите Јунајтед ги доби двата дуела со шкотланѓаните. Тимот на Сер Алекс Фергусон направи од готово вересија во последниот натпревар од Премиер Лига против Евертон од 3 - 1 за 2 минути дозволи да се израмни резултатот. Ренџерс го победи Хамилтон во судиското продолжение со голот на Кени Милер. Битката помеѓу Јунајтед и Ренџерс насловена како "Големата битка на Британија".


Ова би требало да биде вистински тест за Јунајтед и јачината на домашен терен пред големото дерби против Ливерпул во недела на Олд Трафорд. Во секој случај се очекува интересен натпревар.

Манчестер Јунајтед:

Фергусон сигурно ќе направи измени во стартниот тим и се очекува Рафаел да стартува место Невил кој одигра 90 минути против Евертон. Се очекува враќање исто така на Рио Фердинанд во првиот тим.

Антонио Валенсија би требало да се најде во игра после пропуштената утакмица против Евертон додека Парк би требало да игра лево крило. Гибсон ќе стартува во средината додека во напдот се враќа Вејн Руни покрај најдобриот играч на Манчестер Јунајтед оваа сезона Димитар Бербатов.

Можен состав: Кушчак, Рафаел, Фердинанд, Видиќ, Фабио, Валенсија, Флечер, Гибсон, Парк, Руни и Бербатов.

Глазгов Ренџерс:

Алан Мекрегор би требало да се најде на голманската позиција додека Вир и Богера би биле во одбраната. Младиот Морис Еду би требало да биде главната алка во средниот ред додека во нападот Кени Милер и Ники Јелавиц.

Можен состав: Мекрегор, Витакер, Вир, Богера, Папац, Лаферти, Еду, Дејвис, Најсмит, Милер и Јелавиц.

Очекувам победа на Јунајтед пред големото дерби со Ливерпул иако нема Ренџерс да се предадат. Конечен резултат 3 - 1.

Прочитај повеќе...

Иднината на Манчестер Јунајтед : Џон Кофи:

Манчестер Јунајтед - МК продолжува со претставувањето на најперспективниот напад во Англија и овој пат на мета е младиот Џон Кофи...

Академијата на Манчестер Јунајтед има толку многу добри млади напаѓачи што за неколку години сигурно ќе бидат во првиот тим на Манестер Јунајтед. Тоа се најперспективните млади напаѓачи во Англија ако не во светот. Моментално ги имаме Федерико Македа, Дени Велбек, Џошуа Кинг, Вилијам Кин и сега Џон Кофи. Секако тука би ги придодале и Хавиер Ернандез и Маме Бирам Диуф.

Џон Кофи е последниот играч од академијата што импреснионира. Ја започна сезоната во топ форма, постигнува голови скоро на секој меч и сигурно уште многу голови ќе постигне. Џон Кофи е роден во Абосо, Гана на 21 јануари 1993 година и тој направи трансфер од Барнли во Манчестер Јунајтед кога беше приметен од скаутите на тимот за еден настап за неговиот клуб во Германија. Една година откако беше приметен потпиша Јунајтед со Кофи. Летото цело време беше поврзуван со заминвуање во Ливерпул кој пробуваше да го одалечи од Јунајтед и да потпише со Џон но тој конечно стави крај на сите шпекулации и потпиша професионален договор со Јунајтед.
Тој официјално му се придружи на Јунајтед во 2009 и почна да игра за U18 тимот. Тој веќе имаше два настапа за академијата на Јунајтед во раниот период од 2009. Тој во сезоната 2009/2010 псотигна 6 гола во 25 настапи за академијата и имаше два настапа за резервите на Јунајтед како замена. Оваа сезона Џон Кофи одлично започна и постигна 4 гола во 4 настапи за академијата и 1 гол во настапи за резервите. Доколку Кофи вака продолжи сигурно ќе биде приметен од Сер Алекс и ќе добие некоја шанса за сениорскиот тим на Јунајтед во некој од куповите.



Најдобрите атрибути на Кофи се дека е висок и добро физички спремен исто така е многу брз и е одличен со топката т.е. полн со самодоверба. Кофи минатата сезона беше препознатлив најмногу по финишот. Најверојатно тој напорно работеше преку летото и го има подобрено финишот и тоа го покажува исто така во оваа сезона.

Кофи може да игра за три репрезентации Англија, Германија и Гана. Тој ја има претставувано Англија за помладите категории но се шпекулира дека Гана е подготвена да испрати позив за настап на Кофи за Гана.

Кофи би требало да е идната голема ѕвезда во Јунајтед. Велбек, Диуф и Кинг се на позајмици па тој би требало да биде главниот напаѓач и адут за академијата и резервите. Со одлична овогидинешна сезона на Кофи следната би требало да биде и во првиот тим на Јунајтед.

Минатиот пост Иднината на Манчестер Јунајтед...

Прочитај повеќе...

Премиер Лига: Евертон 3 - 3 Манчестер Јунајтед:

Во натпревар со неверојатен финиш, Манчестер Јунајтед испушти победа на Гудисон Парк, натпреварот заврши 3-3...

Евертон и Манчестер Јунајтед одиграа интересен натпревар со драматичен финиш кој заврши без победник 3-3.

Црвените Ѓаволи водеа 3-1 се до 90та минута, но во судиското продолжение Евертон постигна два гола и дојде до голем бод.

Вејн Руни не настапи на овој натпревар, навивачите на Евертон беа подготвени за жесток пречек на нивниот поранешен фудбалер, но Фергусон не им го дозволи тоа задоволство.

Домаќините први го отворија резултатот, Пиенар по асистенција на Лион Осмар реализира за голема радост на Гудисон Парк.

Радоста траеше само три минути, во 42та Дарен Флечер постигнува погодок за израмнување на 1-1.

Само што почна вториот дел, Манчестер Јунајтед прави комплетен пресврт, асистенција на Нани, гол на Немања Видиќ, 1-2 за гостите.

Во 66та минута Димитар Бербатов убаво беше проигран од Сколс, излезе сам пред Хауард, одлично пласираше за водство од 3-1 за Јунајтед.

Во моментите кога веројатно никој не помислуваше дека Манчестер Јунајтед може да ги загуби трите бода, се случи големо изненадување.

Во 90та минута најпрво Кејхил намалува на 3-2, а веднаш потоа и Микел Артета постигнува гол за конечен резултат од 3-3.

Со оглед на развојот на настаните на теренот голем бод за Евертон, Манчестер Јунајтед испушти два значајни бода.

Хајлајтс од мечот можете да проследите тука.

Прочитај повеќе...

Преглед: Евертон - Манчестер Јунајтед:

Сабота, 11.09. 2010 - 13,45
Гудисон парк, Ливерпул

Манчестер Јунајтед немоше да посака полшо гостување на враќањето на натпреварите од Премиер Лига од она кја Евертон. Руни се враќа на Гудисон парк после напушатањето на Евертон во 2004.

Евертон би требало да биде прав тест за Јунајтед многу тешко гостување но со верба во нашите играчи и тимот верувам дека може да се добие.

После добрите настапи за своите репрезентации играчите се враќаат во своите клубови со доста успеси. Руни во последниот натпревар за Англија постигна гол додека на мечот со Бугарија имаше 3 асистенции. Флечер, Видиќ и Нани исто така играа регуларно за Шкотска односно Србија и Португалија.

Можни состави:
Евертон: Хауард, Беинс, Дистин, Јагиелка, Хиберт, Пиенар, Хеитинга, Кејхил, Артета, Осман и Бекфорд.

Манчестер Јунајтед: ВДС, Рафаел, Фердинанд, Видиќ, Евра, Валенсија, Флечер, Сколс, Нани, Руни и Бербатов.

Прочитај повеќе...

Нани: Го живеам мојот сон:

Ѕвездата на Јунајтед Нани вели дека го живее својот сон...

Португалското крило Нани вели дека и пред да направи трансфер во Јунајтед тој го има посетено Олд Трафорд и кога бил во солбекувалната на Олд Трафорд рекол дека еден ден тој ќе си обезбеди место.

Во ексклузивно интервју за Inside United Нани раскажува за својата посета како млад на Олд Трафорд и до каде далеку стигнал од тој ден.

"Дојдов со мојот пријател и бевме на стадионот и музејот. Се сеќавам кога седнав на местото на Роналдо, Гигс и Руни. Бев воодушевен."

"Седев на местото и реков замисли како е да се биде стварно играч на Јунајтед и за две години бев во првиот тим на Јунајтед. Бев пресреќен кога потпишав."

Нани го обајснува чувството на важен играч за Манчестер Јунајтед и дека во Манчестер се чувствува како дома.

"Животот овде е многу убав - јас сум постар, поискусен и посамоуверен но најдобрата нешто е дека играм за Манчестер Јунајтед и ја имам можноста да играм фудбал и да се борам за трофеи. Веќе четврта сезона сум тука и се чувствувам како дома."

Прочитај повеќе...

Потврден тимот на Јунајтед за ЛШ:

Тимот на Манчестер Јунајтед за сезона 2010/2011 во Лига на Шампиони беше потврден...

Двајца од новите играчи на Црвените Ѓаволи, Хавиер Ернадез и Крис Смолинг можат да го имаат своето деби во ова натпреварување додека немаше место за белгиецот Ричи де Лает и повредениот Овен Харгривс. Тие можеби е бидат пријавени за нокаут фазата.

Тимот од 30 играчи на Јунајтед вклучува и играчи од листата Б за помлади играчи. Младиот Бен Амос, браќата Рафаел и Фабио, дефанзивецот Оливер Гил, играчот за врска Кори Еванс и напаѓачот Федерико Македа.

Champions league registered team:
Van der Sar, Kuszczak, Amos*; Neville, Evra, J.Evans, Ferdinand, W.Brown, Smalling, Vidic, O'Shea, Fabio*, Rafael*, Gill*; Nani, Anderson, Giggs, Park, Carrick, Scholes, Fletcher, Valencia, Gibson, C.Evans*; Berbatov, Rooney, Hernandez, Owen, Obertan, Bebe, Macheda*.

Прочитај повеќе...

Харгривс во тимот за Премиер Лига:

Овен Харгривс во тимот на Јунајтед за Премиер Лига...

Сер Алекс Фергусон имаше време до 18.00 - 1 септември да го испрати списокот од 25 играчи кои ќе настапуваат за Јунајтед во Премиер Лига.

Имаше шпекулации дека Харгривс нема да се најде на списокот на Фергусон. Харгривс сеуште е во САД и се рехабилитира од повредата на двете колена и од септември 2008 има само еден настапи за сениорскиот тим на Јунајтед како резерва. Но сепак Овен се најде на списокот на Фергусон.

Правилото гласи: Секој тим има можност да одбере максимум 25 играчи постари од 21 година од кои 8 треба да се од Велика Британија. Додека играчите под 21 година не треба да бидат вметнати во списокот и може да настапуваат.


Premier League squad: Van der Sar, Kuszczak; Neville*, Evra, J.Evans*, Ferdinand*, W.Brown*, Vidic, O'Shea*, De Laet*; Nani, Anderson, Giggs*, Park, Carrick*, Scholes*, Fletcher*, Valencia, Gibson*, Hargreaves; Berbatov, Rooney*, Hernandez, Owen*. U21s: Ajose, Amos, Bebe, Blackett, Brady, R.Brown, Chester, Cleverley, Cofie, Cole, Coll, Devlin, Drinkwater, Dudgeon, Eikrem, Ekangamene, C.Evans, Fabio, Fornasier, Fryers, Gill, Hendrie, Hussain, Jacob, James, Johnstone, Keane, King, Lawrence, Lingard, Macheda, Massacci, McCullough, McGinty, Morrison, Norwood, Obertan, Petrucci, Pogba, Rafael, Smalling, Stewart, Thorpe, Tunnicliffe, Vermijl, Welbeck, Wootton.

Прочитај повеќе...

Долго очекуваниот камбек на Рио Фердинанд:

Долго очекуваниот камбек на Фердинанд ќе се случи вечерва...

Долго очекуваниот камбек на Рио Фердинад ќе се случи вечерва за Манчестер Јунајтед резервниот тим против Олдхем Атлетик.

Натпреварот на Столибриџ ќе биде од поголемо значење од вообичаеното за резервниот тим на Јунајтед бидејќи Фердинанд за прв пат ќе се врати на терените после повредата која го оневозможи да настапи за Англија на СП во Јужна Африка.

Сер Алекс Фергусон првично изјави дека Фердинанд нема да биде подготвен до крајот на септември. Сепак на прес конференцијата минатиот петок Ферги истакна дека дефанзивецот многу напредувал во однос на рехабилитацијата и дека ќе настапи ан натпревар пред паузата од интернационалните натпревари.

Тимот на Олдхем е тест за Фердинанд во кој доколку Рио успее можно е да се врати по паузата на мечот со Евертон.

Фердинанд во резервниот тим на Јунајтед ќе биде придружуван од Вес Браун и Андерсон кој исто така би требало да се врати за мечот со Евертон.

Прочитај повеќе...