Челзи го доби големото дерби против Манчестер Јунајтед, Сините славеа со 2-1 на Олд Трафорд и се искачија на врвот во Премиер лигата. Челзи славеше голема победа на дерби натпреварот против Манчестер Јунајтед, Сините со 2-1 го совладаа шампионот и се искачија на врвот во Премиер лигата.
Манчестер Јунајтед не успеа да ја искористи предноста на домашен терен, со победа Црвените Ѓаволи ќе беа на чекор до титулата, но тоа не се случи.
Натпреварот започна без многу шанси за гол, главно се играше по средината на теренот.
Така беше се до 19та минута кога по еден одличен пробив на Малуда, Џо Кол постигнува гол со пета за водство на Челзи од 1-0.
Во 25та минута, Парк имаше дуел во шеснаесетникот на Челзи со Жирков, судијата не покажа на белата точка за домаќините.
Неколку минути подоцна Гери Невил го фаулираше Николас Анелка во сопствениот шеснаесетник, но и овој пат судијата не се реши да покаже на белата точка.
Пред крајот на првиот дел имаше уште една сомнителна ситуација, Лампард во шеснаесетникот на Челзи, му ја одзема топката на Бербатов но и го удри, судијата одново одмавна.
Манчестер Јунајтед не успеа да посериозно да се закани во првиот дел, но во второто полувреме тргна поагресивно.
Сепак, Челзи преку Фереира веднаш влезе во шанса, но дефанзивецот на Сините не биеше најдобро.
Се играше на половината на гостите, но Манчестер Јунајтед не успеваше да направи добра можност, најсериозната ја имаше Бербатов но неговиот удар со глава заврши крај голот на Чех.
Во 78та минута асистенција на Калу до Дрогба, овој ја тресе мрежата на Ван дер Сар за водство на Сините и од 2-0.
При постигнувањето на голот Дрогба беше во офсајд, сепак тоа не го забележа помошникот судија.
Две минути подоцна Фредерико Македа постигнува гол со рака, Јунајтед намалува на 2-1, нова грешка на судијата.
Во 90та минута Бербатов имаше можност но Чех го скроти неговиот не толку опасен удар.
Голема победа за Челзи, незгоден пораз за Манчестер Јунајтед, продолжува неизвесноста во битката за титулата.
0 коментари:
Објави коментар