Манчестер Јунајтед ги следи преговорите на Џејмс Милнер со Астон Вила за нов договор, Алекс Фергусон посакува да го освежи тимот. Големи се шансите Манчестер Јунајтед да не успее да ја освои титулата во Премиер лигата, тоа ќе значи дека Црвените Ѓаволи оваа сезона ќе ја завршат само со освоен Карлинг Куп.
Тој факт е разочарувачки за шампионскиот тим на Манчестер Јунајтед, па клубот подготвува буџет од околу 80 милиони фунти за засилувања.
Еден од фудбалерите кои се цел на Фергусон е и Џејмс Милнер кој игра одлична сезона во Астон Вила.
24-годишниот Милнер има уште две години од договорот со Астон Вила, но по завршувањето на сезоната ќе започне преговори за нов четиригодишен со повисока плата.
Фергусон посакува да го засили средниот ред, бидејќи во него се Рајан Гигс и Полс Сколс кои се на залезот од кариерите, како и повредените Овен Харгривс и Андерсон.
Покрај за Милнер, Фергусон посакува да го засили и нападот со Карим Бензема, како и голманската позиција со Хуго Лори.
0 коментари:
Објави коментар