Руни: Гигс е совршен пример:

Напаѓачот на Манчестер Јунајтед Вејн Руни испрати комплименти кон својот велшки соиграч Рајан Гигс, кој на 29-ти ноември ќе наполни 36 години.

Руни во понеделникот стана татко. Неговата сопруга Колин на свет донесе син, кој го доби името Кај Вејн. Славниот 24-годишен фудбалер и англиски репрезентативец, кој е член на Манчестер Јунајтед од 2004-та година, во разговор за клупската телеивизија МУТВ призна дека инспирацијата ја црпи од кариерата на Рајан Гигс, кој целата своја кариера ја има поминато во клубот од Олд Трафорд.

„Отсекогаш истакнував дека кариерата би сакал да ја завршам во Манчестер Јунајтед. Доколку еден ден би се приближил до постигнувањата на Гигс, би бил презадоволен, бидејќи тој за мене представува совршен пример за фудбалер.“

„Кога ќе го анализирате неговиот животен и фудбалски пат и начинот на кој се справува со разните ситуации, мора да го почитувате. Доколку успеам да се приближам до бројот на натпревари кои тој ги одиграл во кариерата, ќе бидам навистина многу среќен.“ - вели Руни.