Овен: Голот против Сити ми е најголемиот во кариерата:

Мајкл Овен кој ја донесе победата на Мaнчестер Јунајтед во градското дерби против Сити признава дека тој гол му е еден од најголемите во кариерата.

Еден од најпрестижните фудбалери на вечниот ривал на „црвените ѓаволи“ Ливерпул и четврти најдобар стрелец во националниот тим на Англија на сите времиња го истакна голот против Сити како еден од несомнено најголемите голови во неговата кариера.

„Тоа веројатно ќе биде еден од моментите на кои ќе се враќам со спомен, ќе биде најголемиот погодок во мојата кариера. Да погодам толку драматичен гол во дерби натпревар е просто неверојатно. Треба да се види за да поверуваш дека е вистина. Тоа сигурно е еден од најголемите натпревари пренесувани на ТВ каналите воопшто“, некриејќи ја радоста по постигнатиот погодок коментираше Овен.