Овен: Се надевам дека фановите повеќе не се сомневаат:

Мајкл Овен верува дека со победничкиот погодок против Манчестер Сити ги доби симпатиите од фановите на Манчестер Јунајтед.

„Се крена голема галама околу моето доаѓање во Јунајтед. Некој сеуште сомневаа во моите квалитети. Се надевам дека по овој погодок ги разубедив останатите.“ - вели Овен.

Да подсетиме дека со погодокот на Овен во 96-тата минута, Јунајтед успеа да го освои целиот плен во градското дерби против Манчестер Сити.

„Но јас цело време не се грижев за коментарите на другите, затоа што за мене е привилегија да играм во тим како Јунајтед. Доминиравме во мечот и иако примивме погодоци поради наши грешки, ја постигнавме нашата цел.“

„Сега посакувам од порано да бев тука, покрај многубројните фанови кој ја даваат подршката во текот не целиот меч. Многу е лесно да играш при ваков амбиент.“ - заврши Овен.

Овен пристина во Манчестер Јунајтед ова лето како слободен играч од Њукасл Јунајтед и ја носи легендарната 7-ка која ја носеле многу легенди како Бест, Робсон, Кантона, Бекам и Роналдо.